Ingibjörg Sólrún höfundur nýja Íslands!!!

Mikið djö.... varð ég reiður þegar Ingibjörg Sólrún fór að tala um Nýja Ísland sem þau eru byrjuð að byggja upp.

Ingibjörg segir að það megi ekki taka ríkisstjórnina út og benda bara á hana. Ég bendi á ríkisstjórnina OG bankana OG Seðlabankann OG bankaeftirlitið. Þessar fjórar grunnstoðir íslenskt samfélags brugðust allar. Vegna bankaleyndar og þess að enginn axlar ábyrgð get ég ekki bent á þann sem er mest sekur. Þið eruð öll sek. Sum meira en önnur. Bæði afglöp í starfi og aðgerðaleysi í vá telst til óhæfis og í þessu tilviki er það glæpur gegn þjóðinni. Ef þið segið ekki af ykkur þá gerum við það.

Það er fátt í tilverunni jafn svart eða hvítt og traust. Traust er einfalt í eðli sínu. Það annað hvort "er" eða "er ekki". Ef einstaklingur er beittur ofbeldi af öðrum þá er það genetísk hegðun að treysta ekki þeirri manneskju. Hins vegar geta menn lengi talið sig ekki eiga annarra kosta völ en að umbera manneskju sem er ekki treystandi. Í því fellst skollaleikur ráðherra. Að slá ryki í augu almennings. Að snúa útúr. Að drepa málinu á dreif. Að halda að okkur ótta.

Ég treysti EKKI þessum einstaklingum sem nú sitja við völd og mun aldrei nokkurn tíma treysta þeim aftur. Aldrei.

Að halda því fram að þessi sömu andlit og sváfu á verðinum, lugu að okkur þegar við spurðum og beittu óþokkabrögðum, geti skapað traust í þjóðfélaginu er annað hvort einfeldningsháttur eða heimska nema hvoru tveggja sé. Ingibjörg er stolt en stolt gerir menn blinda. Ingibjörg er grimmur stjórnmálamaður sem engu eyrir. Hún þráir völd og ekkert annað. Stjórnmálamenn eins og Ingibjörg eru hættuleg lýðræðinu vegna þess að þau kunna ekki að gefast upp. Útlitið er dökkt þegar lausnin er samtvinnuð vandanum. Þess vegna getur hvorki Ingibjörg né Geir né nokkur annar í ríkisstjórn skapað Nýja Ísland.

Að skapa nýtt Ísland verður verkefni nýrra afla og annarra einstaklinga. Ingibjörg, Geir, Árni, Björgvin og Björn! Ykkur er ekki boðið.

PS: Biðst afsökunar á þessu bloggi. Ég hafði lofað sjálfum mér því að vera málefnalegur og leggjast ekki niður á sama plan og stjórnmálamenn en núna missti ég mig.... Gat ekki orða bundist.

Helvítis fokking fokk...

Athugasemdir

[Vilhjálmur Árnason, 8.1.2009 kl. 02:41]

Takk fyrir og þú talaðir bara sannleika að mínu mati. Vel orðað, stutt og hnitmiðað.

Þú þarft ekki að biðjast afsökunnar að mínu mati.

[Jóna Kolbrún Garðarsdóttir, 8.1.2009 kl. 03:02]

TAkk fyrir mig, þetta er sannleikurinn sem þú segir.  Fólk rúið trausti á ekki að biðja fólk að treysta sér aftur.  Allir þessi sem þú nefnir eru landráðamenn, þeir hafa selt okkur í þrældóm.  Svo maður nefni líka þau hafa öll brotið stjórnarskrána. 

[Jón Páll Vilhelmsson, 8.1.2009 kl. 11:01]

Ég var kannski að biðja afsökunar á öllu sem ég skrifaði en þurrkaði svo út. Það var ekki allt svona næs...

[Katrín Snæhólm Baldursdóttir, 8.1.2009 kl. 12:55]

Ég var skelfingu lostin eftir þetta viðtal og mig setti hljóða. Greinilegt að enginn verður dreginn til ábyrgðar og engu breytt. Verðum við bara ekki að taka til okkar ráða og BERA þetta FÓLK ÚT? Það er engu tauti við það komið og annað hvort fer þetta lið eða ég og mín fjölskylda förum. Það getur enginn með snefil af sjálfsvirðingu búið við svona gjörspillta og ruglaða stjórn.

[Rut Sumarliðadóttir, 8.1.2009 kl. 13:36]

Skil ekki af hverju þú er að biðjast afsökunar, hefðir frekar átt að láta öll orð standa að mínu viti.